"Real" va Fransiya terma jamoasi yarim himoyachisi Eduardo Kamavinga Millatlar ligasida Belgiyaga qarshi o‘yin oldidan jurnalistlar savollariga javob berdi.

Fransiya terma jamoasiga chaqirilgani haqida gapirar ekan, Kamavinga buni o‘zi uchun muhim voqea deb atadi.

"Bu men uchun juda muhim. Bu — shaxsiy g‘alaba. Chunki men taslim bo‘lmaganimni va yanada kuchliroq qaytishga qodir ekanimni isbotladim. Endi Zidanning menga bildirgan ishonchini oqlashim kerak", — dedi u.

Kamavinga, shuningdek, Tibo Kurtuaning Belgiya termasi tarkibida yo‘qligi haqida hazil qildi.

"Kurtua ertaga Belgiya safida o‘ynamasligidan juda xursandman", — dedi u kulib.

Fransiyalik yarim himoyachi Kilian Mbappeni hujumning chap qanotida ishlatish qarorini ham qo‘llab-quvvatladi.

"Kilian avval ham chap qanotda o‘ynagan. 2022 yilda u bu pozisiyada ajoyib harakat qilgan edi. Ishonchim komilki, Zidan qo‘l ostida ham u bu yerda muvaffaqiyatli o‘ynaydi", — dedi Kamavinga.

Fransiya Millatlar ligasidagi ishtirokini Turkiya ustidan 1:0 hisobidagi g‘alaba bilan boshladi.