Belgiya terma jamoasi va "Manchester Yunayted" darvozaboni Senne Lammens jamoadoshi Tibo Kurtua haqida fikr bildirdi. Avvalroq Kurtua Millatlar ligasi o‘yinlarida milliy jamoa safida maydonga tushmasligini ma’lum qilgan edi.
"Tibo juda ko‘p yutuqlarga erishgan va dunyoning eng yaxshi darvozabonlaridan biri. Terma jamoada u uchun doim joy topiladi.
U qaytganidan keyin asosiy tarkibda kim o‘ynashi haqida o‘ylamayapman. Men darvozada bo‘lamanmi yoki yo‘qmi, har qanday holatda ham qo‘limdan kelgancha harakat qilaman", — dedi Lammens matbuot anjumanida.
Belgiya terma jamoasi keyingi o‘yinini 28 sentyabr kuni Parijda Fransiyaga qarshi o‘tkazadi.
Belgiya Millatlar ligasini Italiya ustidan g‘alaba bilan boshlagan bo‘lsa, Fransiya birinchi turda Turkiyani 1:0 hisobida mag‘lub etdi.
