Бельгия терма жамоаси ва "Манчестер Юнайтед" дарвозабони Сенне Ламменс жамоадоши Тибо Куртуа ҳақида фикр билдирди. Аввалроқ Куртуа Миллатлар лигаси ўйинларида миллий жамоа сафида майдонга тушмаслигини маълум қилган эди.
"Тибо жуда кўп ютуқларга эришган ва дунёнинг энг яхши дарвозабонларидан бири. Терма жамоада у учун доим жой топилади.
У қайтганидан кейин асосий таркибда ким ўйнаши ҳақида ўйламаяпман. Мен дарвозада бўламанми ёки йўқми, ҳар қандай ҳолатда ҳам қўлимдан келганча ҳаракат қиламан", — деди Ламменс матбуот анжуманида.
Бельгия терма жамоаси кейинги ўйинини 28 сентябрь куни Парижда Францияга қарши ўтказади.
Бельгия Миллатлар лигасини Италия устидан ғалаба билан бошлаган бўлса, Франция биринчи турда Туркияни 1:0 ҳисобида мағлуб этди.
