Xorvatiya terma jamoasi yarim himoyachisi Luka Modrich milliy jamoa safidagi yubiley — 30-golini urdi. U Chexiyaga qarshi uchrashuvda raqib darvozasini ishg‘ol qildi.

41 yoshu 18 kunlik Modrich shu tariqa Xorvatiya terma jamoasi tarixida gol urgan eng keksa futbolchiga aylandi.

Qizig‘i, u bu bilan o‘zining avvalgi rekordini yangiladi. Modrich yoz boshida Sloveniyaga qarshi o‘yinda ham gol urib, mazkur ko‘rsatkich bo‘yicha rekord o‘rnatgan edi. Bu voqea 112 kun avval sodir bo‘lgan.

Yaqin vaqt ichida Xorvatiya yana uchta uchrashuv o‘tkazadi. Avvaliga jamoa Ispaniyaga qarshi maydonga tushadi. Bu bahsda Modrich o‘ziga yaxshi tanish chempionat vakillariga qarshi o‘ynaydi. Keyin xorvatlar Angliya bilan bahs olib boradi, shundan so‘ng esa 6 oktyabr kuni yana Ispaniyaga qarshi uchrashadi.