Niderlandiyalik yarim himoyachi Tijani Reynders nega Saudiya Arabistoniga ko‘chib o‘tishga qaror qilganini tushuntirdi.

Futbolchi «Al-Qodisiya»da unga juda katta maosh taklif qilinganini yashirmadi. Shuningdek, Reynders o‘zini tanqid qilganlarga ham javob berdi.

«U yerda taklif qilinayotgan maosh... Istalgan futbolchi yoki istalgan inson undan voz kechib ko‘rsin. Hammamiz o‘zimizni prinsipial qilib ko‘rsatib, «Men bunga rozi bo‘lmasdim», deyishimiz mumkin. Ammo menimcha, aksariyat odamlar bunday summa uchun «ha» degan bo‘lardi», — dedi Reynders NOS nashriga bergan intervyusida.

Tijani Reynders yozda klubini almashtirishga qaror qildi va Saudiya Arabistoniga ko‘chib o‘tdi. Endi u «Al-Qodisiya» sharafini himoya qilmoqda.

Avvalroq Reynders «Milan»dan «Manchester Siti»ga o‘tgan edi.