«Liverpul» «Real» yarim himoyachisi Orelyen Tchuameniga qiziqish bildirishda davom etmoqda. Bu haqda TEAMtalk xabar bermoqda.

Angliya grandi futbolchining agentlari bilan aloqani saqlab turibdi. «Qizillar» Tchuamenini transfer qilishga harakat qilib ko‘rishni istisno etmayapti. Avvalroq «Real» xavbek bilan yangi shartnoma bo‘yicha kelishuvga erishgani haqida xabar berilgan edi.

Orelyen Tchuameni «Real»ga «Monako»dan o‘tgan edi. Transfermarkt portali futbolchining qiymatini 70 million yevroga baholamoqda.