«Manchester Siti» ko‘plab moliyaviy qoidabuzarliklarda aybdor deb topildi. Endi Premyer-liga top-klubiga jazo qo‘llanilishi mumkin, ammo uning qanday bo‘lishi hozircha ma’lum emas.

Shu bilan birga, «shaharliklar» mustaqil komissiya qaroridan shikoyat qilishni rejalashtirmoqda. Shu sababli ish bo‘yicha jarayon yana ma’lum muddatga cho‘zilishi mumkin.

The Touchline ma’lumotiga ko‘ra, Premyer-liga klublaridan birining sobiq rahbari «Manchester Siti»ni qanday jazolash mumkinligi haqidagi variantni oshkor qildi.

Unga ko‘ra, jamoani yuqori divizionda qoldirish, ammo 3-5 yil davomida har bir mavsum boshida 20-25 ochkodan mahrum qilish mumkin.

Bunday jazo qo‘llanilsa, «Manchester Siti» uchun Chempionlar ligasi yo‘llanmasini qo‘lga kiritish ancha qiyinlashadi.