«Манчестер Сити» кўплаб молиявий қоидабузарликларда айбдор деб топилди. Энди Премьер-лига топ-клубига жазо қўлланилиши мумкин, аммо унинг қандай бўлиши ҳозирча маълум эмас.

Шу билан бирга, «шаҳарликлар» мустақил комиссия қароридан шикоят қилишни режалаштирмоқда. Шу сабабли иш бўйича жараён яна маълум муддатга чўзилиши мумкин.

The Touchline маълумотига кўра, Премьер-лига клубларидан бирининг собиқ раҳбари «Манчестер Сити»ни қандай жазолаш мумкинлиги ҳақидаги вариантни ошкор қилди.

Унга кўра, жамоани юқори дивизионда қолдириш, аммо 3-5 йил давомида ҳар бир мавсум бошида 20-25 очкодан маҳрум қилиш мумкин.

Бундай жазо қўлланилса, «Манчестер Сити» учун Чемпионлар лигаси йўлланмасини қўлга киритиш анча қийинлашади.