Ispaniya terma jamoasi yarim himoyachisi Markos Lyorentening «Atletiko» bilan mehnat shartnomasi 2027 yilning yozida nihoyasiga yetadi. Shu tariqa, futbolchi yangi bitim imzolamasa, erkin agentga aylanishi mumkin.
Manbaning yozishicha, futbolchiga allaqachon da’vogarlar paydo bo‘lgan. Xususan, Lyorentega to‘rtta top-klub ko‘z tikmoqda. Yarim himoyachiga «Liverpul», «Bavariya», «Barselona» va «Manchester Siti» qiziqish bildirmoqda.
Markos Lyorente — «Real» akademiyasi tarbiyalanuvchisi. La Liganing ushbu mavsumida o‘yinchi yettita uchrashuvda bitta assistni o‘z hisobiga yozib qo‘ydi.
