Ispaniya terma jamoasi bosh murabbiyi Luis de la Fuente «Liverpul» va Germaniya terma jamoasining hujumkor yarim himoyachisi Florian Virsni o‘z jamoasida ko‘rishni xohlashini tan oldi.
Sport Bild nashriga bergan intervyusida «qizil furiya» ustozi agar imkoni bo‘lganida germaniyalik futbolchilardan kimni Ispaniya milliy terma jamoasiga taklif qilgan bo‘lishi haqidagi savolga javob berdi.
«Florian Virs – fantastik futbolchi. Afsuski, unda Ispaniya pasporti yo‘q. Murabbiy sifatida menga uning o‘yini juda yoqadi», – deydi de la Fuente tabassum bilan.
Ispaniyaliklar Virssiz ham yomon natija ko‘rsatishmayapti: seshanba kuni amaldagi Jahon va Yevropa chempionlari Xorvatiyani mag‘lub etishdi (4:1) va jahon rekordini yangilashdi – ketma-ket 40 ta o‘yindan beri mag‘lubiyat nimaligini bilishmayapti.
