Ispaniya terma jamoasi bosh murabbiyi Luis de la Fuente Xorvatiya ustidan qozonilgan g‘alaba haqida fikr bildirdi. Millatlar ligasining ikkinchi turidan o‘rin olgan uchrashuv 4:1 hisobida yakunlandi. Jamoa g‘alabasiga Lamin Yamal katta hissa qo‘shdi — u bitta golli uzatma amalga oshirdi va ikki marta gol urdi.
«Birinchi bo‘lim 4:1 yoki 5:1 hisobida yakunlanishi mumkin edi, ikkinchi bo‘limda ham vaziyat taxminan shunday bo‘ldi. Biz yaxshi himoyalanadigan va havodagi kurashlarda kuchli o‘ynaydigan terma jamoaga qarshi bahs olib bordik. Shuning uchun har bir vaziyatda diqqatni jamlagan holda harakat qilishimiz kerak edi», — dedi mutaxassis Teledeporte efirida.
Guruhda 6 ochko bilan peshqadamlik qilayotgan ispanlar keyingi uchrashuvini 3 oktyabr kuni hali ochko jamg‘armagan Chexiyaga qarshi o‘tkazadi. Xorvatiya va Angliya hisobida 3 ochkodan bor.
