Испания терма жамоаси бош мураббийи Луис де ла Фуэнте Хорватия устидан қозонилган ғалаба ҳақида фикр билдирди. Миллатлар лигасининг иккинчи туридан ўрин олган учрашув 4:1 ҳисобида якунланди. Жамоа ғалабасига Ламин Ямал катта ҳисса қўшди — у битта голли узатма амалга оширди ва икки марта гол урди.
«Биринчи бўлим 4:1 ёки 5:1 ҳисобида якунланиши мумкин эди, иккинчи бўлимда ҳам вазият тахминан шундай бўлди. Биз яхши ҳимояланадиган ва ҳаводаги курашларда кучли ўйнайдиган терма жамоага қарши баҳс олиб бордик. Шунинг учун ҳар бир вазиятда диққатни жамлаган ҳолда ҳаракат қилишимиз керак эди», — деди мутахассис Teledeporte эфирида.
Гуруҳда 6 очко билан пешқадамлик қилаётган испанлар кейинги учрашувини 3 октябрь куни ҳали очко жамғармаган Чехияга қарши ўтказади. Хорватия ва Англия ҳисобида 3 очкодан бор.
