Lamin Yamal yana bir bor yorqin o‘yin namoyish etdi. Xorvatiyaga qarshi uy uchrashuvida 19 yoshli vinger dubl qayd etdi. Ispaniya terma jamoasi 4:1 hisobida yirik g‘alabani qo‘lga kiritdi. O‘yindan so‘ng «qizil furiya»ning yana bir vingeri Niko Uilyams fikr bildirdi.
«Umid qilamanki, Lamin Yamal bu yil “Oltin to‘p”ni qo‘lga kiritadi. Agar siz futbolni haqiqatan ham tushunsangiz va uni chin dildan yaxshi ko‘rsangiz, bilasiz: Lamin — eng yaxshisi», — deya Uilyamsning so‘zlarini The Touchline nashri keltirgan.
O‘tkazilgan uchrashuvda Niko Uilyams ham gol urdi — u bahs yakunida yakuniy hisobni o‘rnatdi.
Ispaniya terma jamoasi Millatlar ligasidagi navbatdagi uchrashuvini 3 oktyabr kuni o‘z maydonida Chexiyaga qarshi o‘tkazadi.
