Madridning «Real» klubi himoyachisi Raul Asensio jarrohlik amaliyotini boshdan kechirishi mumkin. Marca xabariga ko‘ra, operasiya o‘tkazilsa, futbolchi ikki oydan uch oygacha maydonga tusha olmasligi ehtimol qilinmoqda.

Manba ma’lumotiga ko‘ra, «Real» tarbiyalanuvchisini boldir sohasidagi og‘riq bezovta qilmoqda. Jarrohlik amaliyoti bo‘yicha yakuniy qaror yaqin vaqt ichida qabul qilinishi mumkin.

Qayd etilishicha, Asensio ushbu jarohatdan joriy yilning yanvar oyidan buyon, ya’ni qariyb to‘qqiz oy davomida aziyat chekib kelmoqda.

Terma jamoalar o‘yinlari munosabati bilan yuzaga kelgan uch haftalik tanaffus paytida himoyachi operasiyadan qochish va jarohatni boshqa usullar bilan davolash uchun so‘nggi bor urinib ko‘rgan.

Asensioni bunga asosiy tarkibda o‘ynash imkoniyati ham undagan. Chunki uning pozisiyasidagi raqobatchilar — Din Xyoysen, Ibraima Konate va Eder Militao jarohat yoki diskvalifikasiya sabab safdan chiqqan.

Biroq konservativ davolash va tiklanish jarayonini tezlashtirishga qaratilgan choralar kutilgan natijani bermagan.