Argentinalik vinger Janluka Prestianni, huquqlari Lissabonning «Benfika» klubiga tegishli bo‘lib, Angliya Premyer-ligasining ikki klubi qiziqish doirasiga tushdi.
Insayder Ekrem Konur ijtimoiy tarmoqlarda xabar berishicha, 20 yoshli futbolchini Londonning «Tottenxem» va Birmingemning «Aston Villa» klublari qo‘lga kiritmoqchi.
Prestiannining «Benfika» bilan shartnomasida tovon puli 100 million yevro etib belgilangan. Argentinalik futbolchining klub bilan shartnomasi 2029 yil iyun oyi oxirigacha amal qiladi.
Portugaliya chempionatining joriy mavsumida Janluka 7 ta uchrashuv o‘tkazib, 5 ta gol urdi va 3 ta golli uzatma amalga oshirdi.
