Angliya Premyer-ligasi klublari futbolchilari va ularning vakillari "Manchester Siti"ga qarshi ehtimoliy da’volar kiritish imkoniyatini baholash uchun huquqshunoslarga murojaat qildi. Bu haqda Sky Sports xabar berdi.

Gap futbolchilar "Manchester Siti"ning natijalari sabab ololmay qolgan ehtimoliy bonuslar haqida ketmoqda. Xususan, APL chempionligi yoki yevrokuboklarga yo‘llanma uchun nazarda tutilgan mukofot pullari shular jumlasidan.

Shuningdek, moliyaviy yo‘qotishlarga uchragan klublarning sobiq murabbiylarida ham da’vo kiritish uchun asoslar bo‘lishi mumkin.

APLning mustaqil komissiyasi "Manchester Siti"ni 2009 yildan 2018 yilgacha bo‘lgan davrda moliyaviy qoidalarni buzganlikda aybdor deb topdi.

Hozircha klubga qanday jazo qo‘llanishi aniq emas.