Англия Премьер-лигаси клублари футболчилари ва уларнинг вакиллари "Манчестер Сити"га қарши эҳтимолий даъволар киритиш имкониятини баҳолаш учун ҳуқуқшуносларга мурожаат қилди. Бу ҳақда Sky Sports хабар берди.
Гап футболчилар "Манчестер Сити"нинг натижалари сабаб ололмай қолган эҳтимолий бонуслар ҳақида кетмоқда. Хусусан, АПЛ чемпионлиги ёки еврокубокларга йўлланма учун назарда тутилган мукофот пуллари шулар жумласидан.
Шунингдек, молиявий йўқотишларга учраган клубларнинг собиқ мураббийларида ҳам даъво киритиш учун асослар бўлиши мумкин.
АПЛнинг мустақил комиссияси "Манчестер Сити"ни 2009 йилдан 2018 йилгача бўлган даврда молиявий қоидаларни бузганликда айбдор деб топди.
Ҳозирча клубга қандай жазо қўлланиши аниқ эмас.
