Polsha terma jamoasi hujumchisi Robert Levandovski Millatlar ligasida Ruminiyaga qarshi o‘yinda xet-trik qayd etdi.

38 yoshli futbolchi 24, 47 va 86-daqiqalarda raqib darvozasini ishg‘ol qildi. Uchrashuv Polsha terma jamoasining 6:0 hisobidagi yirik g‘alabasi bilan yakunlandi.

Bu Levandovski uchun so‘nggi 11 oy ichidagi birinchi xet-trik bo‘ldi. U bundan avval o‘tgan yilning 9 noyabr kuni, hali «Barselona» safida to‘p tepayotgan paytida, La Liga doirasida «Selta» darvozasiga uchta gol urgan edi.

Robert Levandovski o‘tgan mavsum yakunida kataloniyaliklar klubini tark etdi va iyul oyi o‘rtalarida «Chikago Fayr» safiga qo‘shildi. U yangi jamoasi tarkibida 15 ta o‘yinda 7 ta gol urdi.

Polsha terma jamoasi safida esa Levandovski qariyb yetti yildan so‘ng ilk bor bir o‘yinda uchta gol kiritdi. U bundan avval 2019 yil 10 oktyabr kuni milliy jamoa safida xet-trik qayd etgan edi.