Ispaniya terma jamoasi bosh murabbiyi Luis de la Fuentega Portugaliya milliy jamoasida Krishtianu Ronaldu ishtirokida yuz bergan mojaro haqida savol berildi.

Yaqinda 41 yoshli hujumchi bosh murabbiy Jorje Jezushdan xafa bo‘lib, terma jamoa qarorgohini tark etgan edi.

«Tabiiyki, bu masala bo‘yicha o‘z fikrimni bildira olmayman, chunki menda yetarlicha ma’lumot yo‘q. Taxmin va farazlar qilish — mening uslubim emas. Faktlarni bilmasdan turib xulosa chiqarishni yoqtirmayman.

Ustozim doim aytganidek, har bir vaziyat o‘ziga xos va shunga qarab ish tutish kerak. Shuning uchun, ochig‘ini aytsam, men bilmayman. Barcha haqiqatni bilmasdan turib javob berib bo‘lmaydi. Afsuski, ayta oladiganim shu», — dedi de la Fuente.

Portugaliya OAV Ronaldu terma jamoaga qaytmasligi mumkinligini taxmin qilmoqda. Biroq mamlakat futbol federasiyasi yulduz futbolchini bosh murabbiy bilan yarashtirishni rejalashtirgan.