Mashhur sobiq futbolchi Zlatan Ibragimovich ayrim musobaqalar g‘oliblari hamda «Oltin to‘p» sohibiga oid o‘z taxminlarini bildirdi.

The Touchline nashri ESPN’ga tayanib xabar berishicha, Ibrahimovich Angliya Premyer-ligasida «Manchester Siti», Angliya kubogida «Chelsi», Ispaniya chempionatida esa «Barselona» g‘olib bo‘ladi, deb hisoblaydi. Uning fikricha, Chempionlar ligasi bosh sovrinini ham «Barselona» qo‘lga kiritadi.

«Oltin to‘p» borasida esa Ibraximovich «Barselona» va Ispaniya terma jamoasi vingeri Lamin Yamalni asosiy da’vogar sifatida ko‘rsatdi.

«Oltin to‘p» sovrini 26 oktyabr kuni Londonda topshiriladi. O‘tgan yili ushbu mukofot Usman Dembelega nasib etgan, Lamin Yamal esa ovoz berish natijalariga ko‘ra ikkinchi o‘rinni egallagan.