«Tottenxem» «Brayton» qanot hujumchisi Kaoru Mitomaga qiziqish bildirmoqda. «Shporlar» bosh murabbiyi Roberto De Dzerbi avval «Brayton»da birga ishlagan vinger bilan qayta birlashish variantini ko‘rib chiqmoqda. Bu haqda TEAMtalk xabar berdi.
Manba ma’lumotiga ko‘ra, 29 yoshli futbolchiga «Liverpul» ham qiziqish bildirmoqda. Mitomaning «Brayton» bilan amaldagi shartnomasi 2027 yil yozida yakunlanadi. Futbolchi hozircha klub bilan kelishuvni uzaytirishga intilmayapti.
Joriy mavsumda Mitoma son orqa qismi mushaklaridan olgan jarohatidan tiklanayotgani sababli hali birorta uchrashuvda maydonga tushmadi.
Transfermarkt ma’lumotiga ko‘ra, futbolchining bozor qiymati 22 million yevroga baholanmoqda.
