Hozirda "Roma"ni boshqarayotgan Jan Pyero Gasperini avvalgi klubi "Atalanta" bilan xayrlashishi muqarrar bo‘lganini aytdi.

"Bergamoda to‘qqiz yil ishlagandan keyin u yerdan ketish men uchun o‘ziga xos burilish nuqtasi bo‘ldi. Men shunday bosqichga yetib keldimki, bu ish men chindan ham istagan narsa emas, balki odatiy holatdek qabul qilina boshladi.

Menda ko‘plab shubhalar bor edi, ishonch esa juda kam edi. Ammo bunday qarorlar yakuniy bo‘ladi. Oxir-oqibat, hammasi yaxshi yakunlandi", — dedi Gasperini.

Ayni paytda uning qo‘l ostidagi "Roma" A Seriya turnir jadvalida peshqadamlik qilmoqda.