«Barselona» 2027 yilda yangi markaziy himoyachi bilan shartnoma imzolashni rejalashtirmoqda. El Nacional nashri ma’lumotiga ko‘ra, Kataloniya grandining transfer maqsadlari ro‘yxatiga «Inter» futbolchisi Alessandro Bastoni yana qaytgan.

Bastonining o‘zi ham muhitni o‘zgartirib, «Kamp Nou»ga yo‘l olishni istamoqda. Biroq bunday transferni amalga oshirish uchun «Barselona»ga katta mablag‘ — taxminan 80 million yevro kerak bo‘ladi.

Kuni kecha Alessandro Bastoni Millatlar ligasi doirasida Fransiyaga qarshi mehmonda o‘tkazilgan uchrashuvda Italiya terma jamoasi safida gol urdi. Jamoalar 1:1 hisobida durang qayd etdi.

Qayd etish joiz, 27 yoshli Bastonining «Inter» bilan amaldagi shartnomasi 2028 yilning o‘rtalariga qadar mo‘ljallangan.