«Барселона» 2027 йилда янги марказий ҳимоячи билан шартнома имзолашни режалаштирмоқда. El Nacional нашри маълумотига кўра, Каталония грандининг трансфер мақсадлари рўйхатига «Интер» футболчиси Алессандро Бастони яна қайтган.
Бастонининг ўзи ҳам муҳитни ўзгартириб, «Камп Ноу»га йўл олишни истамоқда. Бироқ бундай трансферни амалга ошириш учун «Барселона»га катта маблағ — тахминан 80 миллион евро керак бўлади.
Куни кеча Алессандро Бастони Миллатлар лигаси доирасида Францияга қарши меҳмонда ўтказилган учрашувда Италия терма жамоаси сафида гол урди. Жамоалар 1:1 ҳисобида дуранг қайд этди.
Қайд этиш жоиз, 27 ёшли Бастонининг «Интер» билан амалдаги шартномаси 2028 йилнинг ўрталарига қадар мўлжалланган.
