Namibiya terma jamoasining sobiq futbolchisi Ronald Ketdjidjere Rossiya futbolchilari haqida ma’lumotga ega emasligini aytdi. 

— Hozir Namibiya terma jamoasining holati yaxshi, deb ayta olmayman. Jamoada muammolar ko‘p, avlodlar almashinuvi og‘ir kechmoqda. Biroq tarkibimizda qiziqarli futbolchilar bor. Piter Shalulile va Deon Xottoga e’tibor qaratishingiz mumkin.

— Rossiya terma jamoasidan kimnidir taniysizmi?

— Yo‘q, Rossiya futbolchilaridan hech kimni tanimayman.

— O‘yindan nimani kutyapsiz?

— Namibiya terma jamoasi har safar maydonga tushganda, uning g‘alaba qozonishini istayman. Hozir ham shunday umiddaman. Biz bundan ancha vaqt oldin bunday kuchli terma jamoaga qarshi o‘ynaganmiz. Har qanday futbolchi uchun bu katta chaqiriq va o‘zini ko‘rsatish imkoniyati, — dedi Ketdjidjere.

Rossiya va Namibiya terma jamoalari 3 oktyabr kuni Yekaterinburgda ilk bor o‘zaro bahs olib boradi.