Football Leaks materiallari orqali "Manchester Siti" moliyasi bo‘yicha Angliya Premyer-ligasi tekshiruvining boshlanishiga turtki bergan portugaliyalik xaker Ruy Pintu, agar unga yetarli darajada himoya ta’minlansa, Buyuk Britaniya rasmiylari bilan hamkorlik qilishga tayyor.

Pintu ushbu ishga aloqador hujjatlar, shaxslar va kompaniyalar haqida batafsil ma’lumotga ega. Shuningdek, u dastlabki tergov jarayonida e’tibordan chetda qolgan bo‘lishi mumkin bo‘lgan ma’lumotlarni ham taqdim eta oladi.

Bunday imkoniyat Portugaliya Pintuga berilayotgan himoyani to‘xtatishga qaror qilganidan so‘ng paydo bo‘ldi. Biroq uning advokatlari mazkur qaror ustidan shikoyat qilgan va xavfsizlik tahdidi qanday baholanganiga e’tiroz bildirgan.

U hozirda Portugaliyani tark etib, maxfiy joyga ketmoqchi va unga yordam berish uchun 19 000 yevrodan ortiq mablag‘ to‘pladi.