Angliya terma jamoasi hujumchisi Xarri Keyn yana gol urdi.
Shanba kuni «uch sherlar» sardori Millatlar ligasida Xorvatiyaga qarshi o‘yinda dubl qayd etib, yana bir golga uzatma berdi. Uchrashuv Angliyaning 7:0 hisobidagi yirik g‘alabasi bilan yakunlandi.
Bayern & Germany ma’lumotiga ko‘ra, Keyn endi terma jamoalar tarixidagi eng yaxshi to‘purarlar reytingida malayziyalik Moxtar Daxari bilan 7-o‘rinni bo‘lishib turibdi. Har ikki futbolchi hisobida 89 tadan gol bor.
Ulardan yuqorida Robert Levandovski (Polsha — 92 ta), Romelu Lukaku (Belgiya — 94 ta), Sunil Chetri (Hindiston — 95 ta), Ali Dayei (Eron — 108 ta), Lionel Messi (Argentina — 125 ta) va Krishtianu Ronaldu (Portugaliya — 146 ta) joylashgan.
