«Roma» rahbariyati jamoa himoyachisi Mario Ermoso bilan hamkorlikni uzaytirishni rejalashtirmoqda. Bu haqda insayder Nikolo Skira ijtimoiy tarmoqlarda xabar berdi.

Ermoso 2024 yildan buyon Rim klubi sharafini himoya qilib kelmoqda. U «Roma» safiga Madridning «Atletiko» klubidan erkin agent sifatida kelib qo‘shilgan. Tomonlar o‘rtasidagi amaldagi shartnoma kelasi yilning iyun oyi oxirida o‘z nihoyasiga yetadi.

Mario «bo‘rilar» safida 54 ta uchrashuv o‘tkazib, 6 ta gol urgan va 2 ta golli uzatmani amalga oshirgan.

31 yoshli himoyachi joriy mavsum Italiya A Seriyasida 5 ta o‘yinda maydonga tushdi. Uning hisobida bitta gol bor, shuningdek, Ermoso ikki marta sariq kartochka olgan.