«Brentford» va Italiya terma jamoasi qanot himoyachisi Maykl Kayode bir qator Yevropa klublari e’tiboriga tushdi. Bu haqda insayder Ekrem Konur ijtimoiy tarmoqlarda xabar berdi.

Manba ma’lumotiga ko‘ra, 22 yoshli himoyachining faoliyatini «Yuventus», «Nyukasl», shuningdek, Londonning «Arsenal» va «Chelsi» klublari kuzatib bormoqda. «Brentford» esa futbolchini qishki transfer oynasida sotishni rejalashtirmayapti.

Kayode o‘tgan yil yozidan buyon «arilar» safida to‘p tepmoqda. Tomonlar o‘rtasidagi amaldagi shartnoma 2032 yil iyun oyi oxirigacha mo‘ljallangan.

Futbolchining transfer qiymati 40 million yevro deb baholanmoqda.