«Брентфорд» ва Италия терма жамоаси қанот ҳимоячиси Майкл Кайоде бир қатор Европа клублари эътиборига тушди. Бу ҳақда инсайдер Экрем Конур ижтимоий тармоқларда хабар берди.

Манба маълумотига кўра, 22 ёшли ҳимоячининг фаолиятини «Ювентус», «Ньюкасл», шунингдек, Лондоннинг «Арсенал» ва «Челси» клублари кузатиб бормоқда. «Брентфорд» эса футболчини қишки трансфер ойнасида сотишни режалаштирмаяпти.

Кайоде ўтган йил ёзидан буён «арилар» сафида тўп тепмоқда. Томонлар ўртасидаги амалдаги шартнома 2032 йил июнь ойи охиригача мўлжалланган.

Футболчининг трансфер қиймати 40 миллион евро деб баҳоланмоқда.