Turinning «Yuventus» klubi qishki transfer oynasida himoya chizig‘ini kuchaytirishni rejalashtirmoqda. Bu haqda insayder Ekrem Konur ijtimoiy tarmoqlarda xabar berdi.

Jurnalist ma’lumotiga ko‘ra, «keksa sinyora» safini «Atalanta»ning qanot himoyachisi Lorenso Bernaskoni to‘ldirishi mumkin. Transfermarkt portali 22 yoshli italiyalik futbolchining bozor qiymatini 20 million yevroga baholamoqda. Himoyachining Bergamo klubi bilan amaldagi shartnomasi 2030 yil iyun oyi oxirigacha mo‘ljallangan.

Joriy mavsum Italiya chempionatida Lorenso uchta uchrashuvda maydonga tushdi.

A Seriyaning besh turidan so‘ng «Yuventus» turnir jadvalida 7-o‘rinni, «Atalanta» esa 11-pog‘onani egallab turibdi.