Туриннинг «Ювентус» клуби қишки трансфер ойнасида ҳимоя чизиғини кучайтиришни режалаштирмоқда. Бу ҳақда инсайдер Экрем Конур ижтимоий тармоқларда хабар берди.
Журналист маълумотига кўра, «кекса синьора» сафини «Аталанта»нинг қанот ҳимоячиси Лоренцо Бернаскони тўлдириши мумкин. Transfermarkt портали 22 ёшли италиялик футболчининг бозор қийматини 20 миллион еврога баҳоламоқда. Ҳимоячининг Бергамо клуби билан амалдаги шартномаси 2030 йил июнь ойи охиригача мўлжалланган.
Жорий мавсум Италия чемпионатида Лоренцо учта учрашувда майдонга тушди.
А Сериянинг беш туридан сўнг «Ювентус» турнир жадвалида 7-ўринни, «Аталанта» эса 11-поғонани эгаллаб турибди.
