Ispaniya terma jamoasi yarim himoyachisi Rodri Ernandes Millatlar ligasi uchinchi turida Chexiya ustidan 3:1 hisobida qozonilgan g‘alabaga munosabat bildirdi.

«Ular juda yaxshi tayyorgarlik ko‘rgan. Bu eng qiyin o‘yinlarimizdan biri bo‘ladi, deb o‘ylagandim va shunday ham bo‘ldi. Bizga oson bo‘lmadi, ammo imkoniyatlarimiz bor edi. Ba’zi uchrashuvlarda juda ko‘p vaziyat yaratib bo‘lmaydi, lekin jamoamiz o‘yinni to‘g‘ri olib borishni uddaladi», — dedi futbolchi Teledeporte efirida.

Tarkibdagi o‘zgarishlar haqida:

«O‘zgarishlar ko‘p bo‘ldi, ammo jamoa hamon eng yuqori darajada o‘ynashda davom etmoqda. Bizga barcha futbolchilar kerak. Har bir o‘yinchi jarayonga to‘liq jalb etilgan bo‘lishi juda muhim. Yana bir ajoyib o‘yin o‘tkazdik, eng muhimi esa — maydondagi hissiyotlar».

O‘z goli haqida:

«Terma jamoa safida gol urish doim alohida his tug‘diradi. So‘nggi paytlarda buni tez-tez uddalay olmayotgandim. Endi muntazam gol ura olamanmi-yo‘qmi, ko‘ramiz. Eng muhimi — jamoada barcha futbolchilar gollarga o‘z hissasini qo‘shishi».

Uch turdan so‘ng guruhdagi vaziyat quyidagicha: Ispaniya — 9 ochko, Angliya — 6, Xorvatiya — 3, Chexiya — 0.