Millatlar ligasi guruh bosqichi doirasida Portugaliya terma jamoasi Norvegiya milliy terma jamoasiga qarshi maydonga tushadi. Uchrashuv oldidan portugaliyalik yarim himoyachi Brunu Fernandesh bo‘lajak bahs haqida o‘z fikrlarini bildirdi.
«Norvegiyaliklarga qarshi birinchi o‘yin oson kechmagan edi. Ularda muammo tug‘dirishi mumkin bo‘lgan kuchli jamoa bor. Avvalgi uchrashuvda raqibning darvozamiz oldida bir qator vaziyatlari bo‘ldi. Shunga qaramay, himoyadagi harakatlarimizni samarali deb aytishim mumkin», — deya Fernandeshning so‘zlarini UEFA matbuot xizmati keltiradi.
Portugaliya va Norvegiya terma jamoalari o‘rtasidagi uchrashuv 4 oktyabr, yakshanba kuni bo‘lib o‘tadi.
