Миллатлар лигаси гуруҳ босқичи доирасида Португалия терма жамоаси Норвегия миллий терма жамоасига қарши майдонга тушади. Учрашув олдидан португалиялик ярим ҳимоячи Бруну Фернандеш бўлажак баҳс ҳақида ўз фикрларини билдирди.
«Норвегияликларга қарши биринчи ўйин осон кечмаган эди. Уларда муаммо туғдириши мумкин бўлган кучли жамоа бор. Аввалги учрашувда рақибнинг дарвозамиз олдида бир қатор вазиятлари бўлди. Шунга қарамай, ҳимоядаги ҳаракатларимизни самарали деб айтишим мумкин», — дея Фернандешнинг сўзларини УЕФА матбуот хизмати келтиради.
Португалия ва Норвегия терма жамоалари ўртасидаги учрашув 4 октябрь, якшанба куни бўлиб ўтади.
