«Manchester Siti» bosh direktori Ferran Soriano APLning moliyaviy qoidalar buzilishi bo‘yicha ish yuzasidan chiqarilgan qarordan so‘ng xodimlarga yo‘llagan videomurojaati sun’iy intellekt yordamida yaratilmaganini ma’lum qildi.

3,5 daqiqa davom etgan videoda Soriano butun rolik davomida ko‘zini yummagan. Bu esa ijtimoiy tarmoqlarda videoda sun’iy intellektdan foydalanilgan bo‘lishi mumkinligi haqida turli taxminlarga sabab bo‘ldi.

«Buning barchasi o‘zimman», — dedi Soriano.

Tana tili bo‘yicha mutaxassislar ham inson kuchli diqqatni jamlagan holatda haqiqatan ham uzoq vaqt ko‘zini yummasligi mumkinligini ta’kidlashdi.