«Манчестер Сити» бош директори Ферран Сориано АПЛнинг молиявий қоидалар бузилиши бўйича иш юзасидан чиқарилган қарордан сўнг ходимларга йўллаган видеомурожаати сунъий интеллект ёрдамида яратилмаганини маълум қилди.

3,5 дақиқа давом этган видеода Сориано бутун ролик давомида кўзини юммаган. Бу эса ижтимоий тармоқларда видеода сунъий интеллектдан фойдаланилган бўлиши мумкинлиги ҳақида турли тахминларга сабаб бўлди.

«Бунинг барчаси ўзимман», — деди Сориано.

Тана тили бўйича мутахассислар ҳам инсон кучли диққатни жамлаган ҳолатда ҳақиқатан ҳам узоқ вақт кўзини юммаслиги мумкинлигини таъкидлашди.