UYEFA Isroil terma jamoasiga Millatlar ligasida Irlandiyaga qarshi o‘yinda qora motam tasmalarini taqib maydonga tushishga ruxsat berdi.

Bu haqda Isroil terma jamoasi ijtimoiy tarmoqlarida xabar berildi.

Isroil futbol assosiasiyasi 2023 yil 7 oktyabr kuni halok bo‘lganlarni xotirlash maqsadida UYEFAga tegishli iltimos bilan murojaat qilgan edi. Ushbu sanada HAMASning G‘azo sektoridan Isroilga hujumi sodir bo‘lgan.

Isroil terma jamoasi Millatlar ligasining joriy mavsumida hali g‘alaba qozona olmadi. 24 sentyabr kuni jamoa Avstriyaga 1:3 hisobida mag‘lub bo‘lgan bo‘lsa, uch kun o‘tib Irlandiyaga 0:3 hisobida yutqazdi. 1 oktyabr kuni esa Kosovo bilan 0:0 hisobida durang o‘ynadi. Irlandiyaga qarshi javob uchrashuvi 4 oktyabr kuni Serbiyaning Bachka-Topola shahrida bo‘lib o‘tadi.