Italiya terma jamoasi bosh murabbiyi Roberto Manchini Millatlar ligasida Turkiyaga qarshi bo‘lajak uchrashuv oldidan o‘z fikrlarini bildirdi.

Vinchenso Montella boshqarayotgan Turkiya guruh bosqichidagi uchta o‘yinning barchasida mag‘lub bo‘ldi va umumiy 1:8 hisobini qayd etdi. Jumladan, o‘z maydonida Italiyaga 1:4 hisobida imkoniyatni boy bergan. Bugun jamoalar Bolonyada yana to‘qnash keladi.

"Biz yo‘l qo‘yishimiz mumkin bo‘lgan eng katta xato — oldimizda oson o‘yin turibdi, deb o‘ylash. Avvalgi natijalar sabab Turkiyani past baholash mumkin emas.

Montella yaxshi ish qildi, Turkiyada juda yaxshi jamoa bor. Balki, hozir ular eng yaxshi davrni boshdan kechirmayotgandir, ammo Montella ularni Millatlar ligasining A divizioniga qaytarganini va jahon chempionatiga olib chiqqanini unutmaslik kerak. Ularda iqtidorli futbolchilar ko‘p, JCH-2026da esa shunchaki omadlari kelmadi", — deya Manchinining so‘zlarini Football Italia keltirdi.

Italiya — Turkiya uchrashuvi Toshkent vaqti bilan soat 23:45 da boshlanadi.