"Bornmut" va Angliya terma jamoasi yarim himoyachisi Aleks Skott hamon "Chelsi"ning transfer maqsadlari qatorida qolmoqda.

"Ko‘klar" 23 yoshli futbolchini yarim himoya chizig‘ini kuchaytirish uchun eng maqbul variantlardan biri deb hisoblamoqda. London klubi vakillari futbolchining atrofidagilar bilan aloqani saqlab turibdi va kelajakdagi transfer ustida ishlashda davom etmoqda, deya xabar berdi insayder Fabrisio Romano.

"Chelsi" butun yoz davomida Skottni sotib olishni istadi, ammo bu amalga oshmadi. Agar ular kelajakda yangi taklif bilan qaytsa, bundan hayron bo‘lmayman", — dedi transfer eksperti.

Sentyabr oyi oxirida Aleks Skott Millatlar ligasida Chexiyaga qarshi uchrashuvda Angliya terma jamoasi safida debyut qildi.

Transfermarkt portali yarim himoyachining bozor qiymatini 50 million yevro deb baholamoqda.