"Борнмут" ва Англия терма жамоаси ярим ҳимоячиси Алекс Скотт ҳамон "Челси"нинг трансфер мақсадлари қаторида қолмоқда.
"Кўклар" 23 ёшли футболчини ярим ҳимоя чизиғини кучайтириш учун энг мақбул вариантлардан бири деб ҳисобламоқда. Лондон клуби вакиллари футболчининг атрофидагилар билан алоқани сақлаб турибди ва келажакдаги трансфер устида ишлашда давом этмоқда, дея хабар берди инсайдер Фабрицио Романо.
"Челси" бутун ёз давомида Скоттни сотиб олишни истади, аммо бу амалга ошмади. Агар улар келажакда янги таклиф билан қайтса, бундан ҳайрон бўлмайман", — деди трансфер эксперти.
Сентябрь ойи охирида Алекс Скотт Миллатлар лигасида Чехияга қарши учрашувда Англия терма жамоаси сафида дебют қилди.
Transfermarkt портали ярим ҳимоячининг бозор қийматини 50 миллион евро деб баҳоламоқда.
