Xorvatiya terma jamoasining taniqli sobiq futbolchisi Ivan Rakitich Angliyadan 0:7 hisobida qabul qilingan yirik mag‘lubiyat haqida o‘z fikrini bildirdi.

Xorvatlar Millatlar ligasidagi so‘nggi uchrashuvda o‘z maydonida Angliyaga yirik hisobda imkoniyatni boy berdi. Slaven Bilich shogirdlari seshanba kuni amaldagi jahon va Yevropa chempioni Ispaniyaga qarshi uy uchrashuvida muxlislari oldida o‘zini oqlashga harakat qiladi.

"Angliyadan 0:7 hisobidagi mag‘lubiyat juda og‘riqli bo‘ldi. Yutqazish mumkin, ammo bunday emas. Bu juda og‘ir vaziyat. Lekin agar shunday holat sodir bo‘lishi kerak bo‘lgan bo‘lsa, yaxshisi hozir — Millatlar ligasida ro‘y bergani ma’qul.

Ispaniya o‘ta motivasiyali Xorvatiyaga duch kelishidan umidvorman. Muxlislar ham raqibga juda katta bosim o‘tkazadi", — dedi Rakitich Radioestadio Noche bilan suhbatda.

Xorvatiya — Ispaniya uchrashuvi Toshkent vaqti bilan soat 23:45 da boshlanadi.