Norvegiya terma jamoasi bosh murabbiyi Stole Solbakken Millatlar ligasida Portugaliyaga qarshi o‘yinda Erling Xoland nega almashtirilganini tushuntirdi.
To‘rtinchi tur doirasidagi uchrashuvda Xoland asosiy tarkibda maydonga tushdi, ammo 67-daqiqada almashtirildi. Dastlab norvegiyalik hujumchi jarohat olgani taxmin qilingan edi.
"Biz Xoland va yana besh-olti nafar futbolchi bilan shunday kelishib olgan edik: ular o‘zlarini 100 foiz kuch bilan o‘ynay olmaydigan holatda his qilsa, almashtiramiz. Taxminan 60-daqiqalarda almashtirish haqida gaplashgan edik va Xoland buni bilardi.
Yakunda u rejalashtirilganidan biroz ko‘proq o‘ynadi va o‘zini juda yaxshi ko‘rsatdi", — dedi Solbakken matbuot anjumanida.
To‘rt turdan keyin Norvegiya terma jamoasi uch ochko bilan to‘rtinchi guruh turnir jadvalida so‘nggi o‘rinni egallab turibdi.
