Italiyaning "Roma" klubi sobiq futbolchisi, shuningdek, Moskvaning SSKA jamoasida ham to‘p tepgan Miralem Pyanich rimliklarning joriy mavsumdagi startidan taassurot olganini aytdi va klubga chempionlik tiladi.
"Roma" o‘ynaganda divanda o‘tirib, futbolni tomosha qilishdan rohatlanasan. Jamoa maydonda ajoyib taassurot qoldirmoqda. Men birinchi o‘yindanoq aytganman: agar ular butun mavsum davomida shu sur’atni saqlab qolsa, ularga jiddiy muammo tug‘dira oladigan jamoa topilishi qiyin bo‘ladi.
"Skudetto" klubga qaytishidan va "Roma" o‘zining ajoyib muxlislari bilan birgalikda chempionlikni nishonlashidan umidvorman", — deya Pyanichning so‘zlarini forzaroma.info keltirdi.
"Roma" so‘nggi bor 2001 yilda Italiya chempioni bo‘lgan.
