Италиянинг "Рома" клуби собиқ футболчиси, шунингдек, Москванинг ЦСКА жамоасида ҳам тўп тепган Миралем Пьянич римликларнинг жорий мавсумдаги стартидан таассурот олганини айтди ва клубга чемпионлик тилади.
"Рома" ўйнаганда диванда ўтириб, футболни томоша қилишдан роҳатланасан. Жамоа майдонда ажойиб таассурот қолдирмоқда. Мен биринчи ўйинданоқ айтганман: агар улар бутун мавсум давомида шу суръатни сақлаб қолса, уларга жиддий муаммо туғдира оладиган жамоа топилиши қийин бўлади.
"Скудетто" клубга қайтишидан ва "Рома" ўзининг ажойиб мухлислари билан биргаликда чемпионликни нишонлашидан умидворман", — дея Пьяничнинг сўзларини forzaroma.info келтирди.
"Рома" сўнгги бор 2001 йилда Италия чемпиони бўлган.
