Benin terma jamoasi himoyachisi Muhammad Tijani Argentinaga qarshi bo‘lajak o‘rtoqlik uchrashuvi haqida fikr bildirdi.
Beninga qarshi bahs Lionel Messining Argentina terma jamoasidagi xayrlashuv o‘yini bo‘ladi. Uchrashuv 7 oktyabr kuni Buenos-Ayresdagi "Monumental" stadionida o‘tkaziladi.
"Bu o‘yinga hatto alohida tayyorgarlik ko‘rishimiz ham shart emas — biz shunchaki undan zavq olishni istaymiz, xolos. Ishoning, Messining futbolkasini uyga albatta olib ketaman, onamning haqqi qasam.
Messining oldiga borib: "Leo, men seni juda yaxshi ko‘raman, futbolkangni menga ber", deyman. U dunyoning eng yaxshi futbolchisi", — deya Tijanining so‘zlarini The Touchline keltirdi.
Uchrashuv Toshkent vaqti bilan soat 04:00 da boshlanishi rejalashtirilgan.
