"Barselona"ning sobiq futbolchisi Andres Inyesta qaysi jamoalar o‘yinini kuzatishni yaxshi ko‘rishi haqida gapirdi.

"Albatta, men "Barselona" va Ispaniya terma jamoasi o‘yinlarini tomosha qilishni yaxshi ko‘raman. Ularning o‘yin uslubi va tarkibidagi futbolchilar menga juda yaqin. Jamoadagi o‘zaro tushunish va ularning futbolni qanday anglashi menga yoqadi. Gap eng yaxshilar haqida ketmoqda", — deya Inyestaning so‘zlarini Mundo Deportivo keltirdi.

Inyesta "Barselona" tarbiyalanuvchisi hisoblanadi. U faoliyatining asosiy qismini 2002 yildan 2018 yilga qadar kataloniyaliklar safida o‘tkazgan.

Ispaniyalik futbolchi "Barselona" bilan ko‘plab sovrinlarni qo‘lga kiritgan. Jumladan, 9 marta Ispaniya chempioni bo‘lgan va 4 bor Chempionlar ligasida g‘alaba qozongan.

Joriy mavsumda "Barselona" Ispaniya chempionatida 7 ta uchrashuvdan 21 ochko jamg‘arib, turnir jadvalida peshqadamlik qilmoqda.

Ispaniya terma jamoasi esa amaldagi Yevropa va jahon chempioni hisoblanadi.