"Барселона"нинг собиқ футболчиси Андрес Иньеста қайси жамоалар ўйинини кузатишни яхши кўриши ҳақида гапирди.
"Албатта, мен "Барселона" ва Испания терма жамоаси ўйинларини томоша қилишни яхши кўраман. Уларнинг ўйин услуби ва таркибидаги футболчилар менга жуда яқин. Жамоадаги ўзаро тушуниш ва уларнинг футболни қандай англаши менга ёқади. Гап энг яхшилар ҳақида кетмоқда", — дея Иньестанинг сўзларини Mundo Deportivo келтирди.
Иньеста "Барселона" тарбияланувчиси ҳисобланади. У фаолиятининг асосий қисмини 2002 йилдан 2018 йилга қадар каталонияликлар сафида ўтказган.
Испаниялик футболчи "Барселона" билан кўплаб совринларни қўлга киритган. Жумладан, 9 марта Испания чемпиони бўлган ва 4 бор Чемпионлар лигасида ғалаба қозонган.
Жорий мавсумда "Барселона" Испания чемпионатида 7 та учрашувдан 21 очко жамғариб, турнир жадвалида пешқадамлик қилмоқда.
Испания терма жамоаси эса амалдаги Европа ва жаҳон чемпиони ҳисобланади.
