Millatlar ligasi guruh bosqichining 4-turidan o‘rin olgan o‘z maydonidagi uchrashuvda Gresiya terma jamoasi Germaniya bilan 0:0 hisobida durang o‘ynadi. Ushbu natija haqida hujumchi Vangelis Pavlidis fikr bildirdi.
«Bunday natijalardan xursand bo‘lish kerak. Biz ikki marta g‘alaba qozondik va ikki marta durang o‘ynadik. Jamoamiz yaxshi himoyalana olishini ko‘rsatdi. Qolgan uchrashuvlarda ham barchasi muvaffaqiyatli kechadi, deb umid qilaman. Iloji boricha yuqoriroq ko‘tarilishni xohlaymiz», — deya hujumchining so‘zlarini UEFA matbuot xizmati keltirmoqda.
To‘rt turdan so‘ng Gresiya terma jamoasi 8 ochko jamg‘arib, B guruhida ikkinchi o‘rinda bormoqda. Yunonlar keyingi uchrashuvni noyabr oyi o‘rtasida Niderlandiyaga qarshi o‘tkazadi.
