Benin terma jamoasi va Janubiy Afrikaning yuqori divizionida ishtirok etadigan "Kryuger Yunayted" klubi darvozaboni Marsel Dandjinu Argentinaga qarshi o‘rtoqlik uchrashuvi haqida fikr bildirdi. Ushbu bahs Lionel Messi uchun milliy terma jamoadagi so‘nggi o‘yin bo‘ladi.

Uchrashuv 7 oktyabr, chorshanba kuni O‘zbekiston vaqti bilan soat 04:00 da boshlanadi.

— Leoning futbolkasini kim olishini hal qilish uchun qur’a tashlanadimi?

"Agar jamoamizdagi istalgan futbolchidan so‘rasangiz, barchasi uning futbolkasini olishni xohlaydi. Ular ko‘plab futbolka tayyorlab, har bir futbolchiga bittadan bersa, juda ajoyib bo‘lardi. Chunki futbolkani faqat bir kishi ola oladigan bo‘lsa, bu oson masala bo‘lmaydi — uni hammamiz xohlaymiz!"

— "Monumental" stadionidagi muhitdan nimani kutyapsiz?

"U yerda o‘ynash — juda katta sharaf. Bu xotira men bilan bir umrga qoladi. Faoliyatim haqida gapirar ekanman: "Men o‘sha yerda edim — afsonaning so‘nggi o‘yinida, Messining so‘nggi uchrashuvida", deb ayta olaman. Bu aql bovar qilmas voqea", — deya Dandjinunning so‘zlarini Marca keltirdi.